Thank you. I see.

Leathanach a hocht:

Fuair sé cúnabh sa’ tathant sun ó Mhinistir a’ phróiste, a’ Dochtúir Jameson, duine cóir a cheistíoch ó amm go hamm me a mbun-abhar na céimseatan. Níor dheocair do sna daoine barántúla sun a’ scéal a chur a bhfeimm eir m’athair. Chuin a cheart féin a thúirt dò sun bhí grá cruí igè dhom agus chuaig sé fés gach costas dá reibh eir a chumas eir mo shon. Cineach go mbein-se am’ Fellow a gCláiste na Tríonóide. Tógach ó Mr. Darling me agus bo chathàch me a’ scarúint leis, agus cuireach me, a n-aois mo dhá bhlian déug dom, fé chúram Uiliam eirbhineach do Craig, a mhalairt eir fad do dhuine sochas mo chéud ide, eir gach slí. Ó thárluig a’ scoil sa’ tsráid mar a rabhamair chuin comhnaithe (Sráid Stafford), agus ó bhí súil m’athar oram, chromas go díograiseach eir a’ Laidin a dh’fhoghlaim agus do leanas dò go díhealach eir feag dhá bhlian nuair a thosanuíos eir Ghréigis, abhar as mó a thainig lium. Ach lé lín a’ trátha chéuna sun, peoca tuar mí-áig nú a mhalairt dómh-sa é, thit m’athair, trí theanóisc, anuas a’ staighre gur guineach go ró-mhuar sa’ cheann é agus gurbh eir éigean a mhair sé ’na dhiaig. Eir théurnabh dò, fuair sé a chuid gnóthaí có muar sun eir mí-chóir gur chín sé eir eighrí eir fad as a’ tráchtáil agus dol fé’n dtuai’. Chuir sé a’ rún-chómhairle sin a gcrí’, shocaraig sé lé n-a cháirdiúnaig, chuir sé mise go dí caraid leis a n-aice na scoile mar er íoc sé as cothú agus ustas dom, a dteannta alúntas beog a thúirt dom mar airigead póca.
Eir a’ gcuma sun bhíos am’ bmhaighistir oram féin sara rabhas a sé déug do bhlianaibh agus, dála mar tá fós féin agùm, nách muar é mo cháil lé discréid, is frus a mheas gur beog eir fad a bhí agùm di an uair sin. Ó bhíos gan feitheóireacht m’athar ós mo chiún do thómhaiseas, do réir leadránaí na gluaiseachta bhí fé’n gCraigeach, go mbech sé go ma’ laistìg dom’ chumas obair na seachtaine dhéanabh a dtrí lá, nú b’fhéidir a dó dá mbo ghá, agus dá bhrí sin gur chreach dhlitheàch dom a’ trí lá eile. Chineas, mar sin, eir trí lá sa’ tseachtain eir a luíod a chur eir leith a gcómhair cahabh aimmsire agus na trí cín eile a gcómhair scoile, agus níorbh é mo dhearúd gan lá an a’-chleachtaithe a bheih eir na trí laehanta deirig sin; bhíoch ath-dhéunabh eir obair na seachtaine go léir ar a’ lá sun, agus leis a’ socarú sun níor ligeas bhuaim m’inead a dteannta na mbuachailí eile sa’ ranng.

https://drive.google.com/file/d/1Y68V-9 ... sp=sharing

Abair liom má tá aon cheist nú aon bhotún sa scríobh, má sé úr dtoil é

_________________
I'm an intermediate speaker of the Corca Dhuibhne dialect of Irish and also have knowledge on the old spelling
Soir gaċ síar, fé ḋeireaḋ thíar

Leathanach 9:

Níorbh’ ao’ dua dhom a chor a dtuiscint do lea-dhasaon dom’ chómh-scláirí gur chortham a’ riara é sin eir ár gcuid aimmsire, agus eir a’ slí sin chuireamair eir bun scéim deá-chóirithe do’n ní dá ngairimtar mitching agus d’eighrig lin, eir bhe’ dhúinn eir chuid dos na buachailí ba chliste sa’ scoil, fórlámhas a dh’fháilt eir aigine a’ mháistir unas nuair bhuailimís isteàch sa’ scoil a n-ao’ ghasara ’mháin, tréis lae do n-ár laehanta scuir, nárbh’ áil leis dol chuin ao’ spairine lé duin’ eir bith aguìn, ná scríobh eiread agus aon uair amháin chuin m’ahar chuin ólas a thúirt dò eir mo chúrsaí-se, agus gur muar is in-cháinte do n-a chiún sun é.
Ní muar dom a rá mar bhrehúntas cirt oram féin agus eir mo chómh-scláirí, bíoch go rabhamair go déistineach lé díobhuínteas, ná reibh ao’ dabháilce anuìn. B’é ár gcahabh aimmsire siúl amàch fé’n dtua, dol a’ snábh sa’ bhfaraige agus, thar gach ní eile, bheh a láthir lé lín gach lae thiospeántais, nú túirt amàch, nú léir-fhéuchana dá ndintí a chamóra eig’ an aram gbháltais a mBleá Cliath a bPáirc an Fhion-isce. Táim a’ tagairt go speisíalta dò sun, óir, a dtaobh amù do’n gcabhair a thug sé chuin béus a’ díobhuíntis a phréubhú anùm, rod is aithireach go muar lium, is léir gurbh é sáir-dheáramh an aramála agus puímp agus taighse a’ tiospeántais mhileata a chuir eir dtúis anùm a’ mian nár traochach ó shin riamh, chuin dol lé saighdiúireacht, mian nár thréig me riamh agus go bhfuil cead anìs agùm fé dheóig é shásabh tréis a sé bliana déug do chora a’ tsaoil a chor dom. Bhíos a’ drideam an uair sin lé hís a seacht déug agus ní scéul do-chreite oram é rá gur thaighsig mná dhom a bhe’ deas, agus tuigeach dom go fáigiúil go mba mhuar an cómhnabh dom cóta dearag agus cnota agus peighre d’epaulettí óir chuin dol a gcómhair na ngaithilean dá dtugas aghra.
Thug sun, agus na fátha eile eile do luas thuas, socarú cínte oram. Chramm sé eir dhol a bhfeighm oram ná reibh sa’ léan Ghréugach ach fastaím, agus a ngradam Fellow a gCláiste na Tríonóide ach díol trua, agus cheapas dar deimhin ná reibh fear sona eir bith àn ach meirigire eir cha’ coisithe eir slóga. Uafás agus úr-ghráin a bhí oram a’ feithabh leis an uair a bhí a’ drideam lium nuair a bhein a’ dol san Ol-scoil. Shéunain an scoil níos minice ná riamh óir b’fheár lium bheith a’ faire na n-earcach lé lín gleacaíocht eiges na Baraicí. Eir deire nuair a tuigeach do’n ide go bhfaighfuí easpathach me sa’ scrúdúchán lé dol sa’ Chláiste, agus go mbeifuí, dá dheascaibh sin, á thúirt féin ciúntach ’na chuid sin do’n aithis, cheap sé go mba cheart dò an rod a dhéunabh ba chóir a bhe’ déunta eigè lé trí bliana ruimis sin, agus scríbh sé chuin m’athar agus thug tuairisc umalán dò eir m’imeàchta-sa.

https://drive.google.com/file/d/1qm7Ie4 ... sp=sharing

_________________
I'm an intermediate speaker of the Corca Dhuibhne dialect of Irish and also have knowledge on the old spelling
Soir gaċ síar, fé ḋeireaḋ thíar

Leathanach 10:

Tharaic sun láirtheach cúnspóid éigneasta adarain. Dh’fhógaruíos-sa mo mhian chuin dol san aram agus mo mhí-thaintheabh ann-spianta d’aon ghairim lé léan. Bhí m’athair có ceann-tréun lium féin agus, ó dh’eitig sé go dúlaithe ao’ chomhnabh a thúirt dom chuin mo bheartú-sa a chor chuin cín, ní reibh agùm ach géile nú déunabh dála mo dhrithár Liam, rod ná leigfeach uar dom a dhéunabh. Tháinig dá dhrom sun gur shuíos ath-uair go doihallach chuin eibire d’fhann teacht suas leis an aimmsir a shleamhnaig bhuaim agus, fé dheire, tréis tamall saothair a bhí go muar a n-aghaig mo thola, chuas am’ tháilíocaí a gCláiste na Tríonóide a mí Feabhra, 1781, agus gan me an uair sin hocht mbliana déug slán. B’é m’ide an tOirmhineach Maitiú Young, an té is mó fuair cion san Olscoil, agus ceann do scláirí tosaig na hÓrpa sa’ Mhatamaitice. Chromas eir dtúis go meanamnach eir stuidéar na Laighce ach thárlaig go mí-ábharach eir an gcéud scrúdúchán riabh dom go dtána fé n-a láimh eige duí mí-chuíosach dárbh ainim Ledwich a thug an duais do dhuine eile, agus gurbh é mo dhíol-sa é dh’fháil trí fheabhas mo fhreagaraí, a n-inead na mbreath a tugach lé brealaí oram.
Níor ghá dhómh-sa a n-ao’ chor an iaracht ann-chirt sin chuin me mheala aruíst ó’n stuidéar. Dh’fhileas aruíst eir mo bheartú mileata agus dh’achainíos eir m’athair trealabh ógalaig a shláthar dom agus ligeant dom dol san Aram Sasanach a Meirice mar a reibh an coga fós eir siúl. Dh’eitig sé me fé mar bhí déunta eigè heana agus, mar olc eir, ní raghain a n-aice an Chláiste ná ní oscalóin ao’ leabhar ach leabhar eir mhileatas. Mar sin dúin breis agus bliain, a n-araid go muar lé chéile mar is ún-tuice, gan ao’ taobh do ghéile fiú an órdalaig. Fé dheire nuair a chnuc go reibh an coga a Meirice a’ drideam chuin críhe, agus nuair a dh’únsaig cuid dos na cáirde bhí am’ thímpal me, go muar muar an Dochtúir Jameson a luas heana, agus Mr. J. G. Brown a bhí ’na fho-mháistir a scoil Mhr. Darling, agus a bhí anìs ’na dhlíodóir, ghéileas do’n tarna huair agus dh’fhileas aruíst eir an stuidéar tréis tuairim bliana d’idir-thréibhse a bhe’ caite. Tuisc mo cheann-tréine, bhí mar pheanós oram ranng a scaoile tharam, mar a deirtar san Olscoil, ’sé sin tosnú lé ranng a tháinig isteàch bliain am’ dhiaig.

https://drive.google.com/file/d/18FJB7N ... sp=sharing

_________________
I'm an intermediate speaker of the Corca Dhuibhne dialect of Irish and also have knowledge on the old spelling
Soir gaċ síar, fé ḋeireaḋ thíar

Leathanach 11:

Chleactain a’ stuidéar sa’ Chláiste dálta mar dhinin sa’ scoil é, ’sé sin do chleachtain a’ díobhuínteas go dí a’ nóimit deirig. Ansùn dh’eibirín go dian eir feag caighcíse roimis a’ scrúdúchán poibilí agus tugtuí breatha fónta oram a gcómhnaí; agus thairis sin ghnóthuíos trí duais sa trí bliana deirig dom’ chúrsa. Lé lín mo thréibhse san Olscoil ní rabhas gan eachtaraithe fiúntair. I gceann na bliana 1782, chuas am’ fhear chuidithe d’ógánach dom’ athantas dárbh’ ainim Foster, a dhin cómhrac aonair lé ógánach eile dárbh’ ainim Anderson. Bhí sé do’n mí-á eir gur chuir sé pléur trí n-a cheann eig’ Anderson. B’é bhí ’na chuidithach eig’ Anderson ná Liam Armstrong, cara eir le’ dom féin, atá anis ’na eagalaiseach muar-irime agus é curtha fé a nDún Geanain.
Ó bhí cáirde Anderson go hann-spianta a bhfeirig lé Foster agus lium féin, b’éigeant dúin eir dtúis dol fé cheilt bhuatha. Ach a gceann tamail nuair a mhaolaig a bhfearag dh’fhíleas ’on Chláiste gur dóbair do’n ngnó sun me d’unarba às do’n tarna huair agus chuíhe. Triaileach Foster agus tugach bre’ saortha eir. Níor cuireach ao’ dlí oram féin. Ní reibh éine dá reibh páirteach sa’ ghnó tubaisteach sun thar fihe bliana d’ís.

https://drive.google.com/file/d/1tyVSQj ... drive_link

_________________
I'm an intermediate speaker of the Corca Dhuibhne dialect of Irish and also have knowledge on the old spelling
Soir gaċ síar, fé ḋeireaḋ thíar